398.74
ՊՆ-ն հրապարակել է հակառակորդի երկու ուղղաթիռի խոցման տեսանյութը
1 րոպեի ընթերցում
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության պաշտպանության նախարարությունը հրապարակել է Արցախում պաշտպանության բանակի զինծառայողների կողմից հակառակորդի երկու ուղղաթիռի խոցման վերաբերյալ: «Արմենպրես»-ի փոխանցմամբ՝ տեսանյութը իր էջում հրապարակել է ՀՀ ՊՆ մամուլի խոսնակ Շուշան Ստեփանյանը:
«Արցախի ՊԲ ստորաբաժանումների կողմից արևելյան ուղղությամբ Իգլա ԴԶՀՀ-ով ոչնչացվել է հակառակորդի երկու ուղղաթիռ»,- տեսանյութին կից գրել է Ստեփանյանը:
Ավելի վաղ ՀՀ ՊՆ ներկայացուցիչ Արծրուն Հովհաննիսյանը հայտնել էր, որ հայկական կողմը խոցել է ադրբեջանական ուղղաթիռ՝ չբացառելով, որ խոցված ուղղաթիռը մեկը չէ: «Հենց նոր մերոնք ուղղաթիռ են խոցել։ Հավանական է ուղղաթիռներ»,-նշել էր Հովհաննիսյանը:
Բաժանորդագրվեք մեր ալիքին Telegram-ում