Ազարենկան հաղթեց Ուիլյամսին

ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Աշխարհի նախկին առաջին ռակետ Սերենա Ուիլյամսը դուրս մնաց ԱՄՆ բաց առաջնությունից:

«Արմենպրես»-ի հաղորդմամբ` Նյու Յորքում ընթացող կանանց մենախաղի կիսաեզրափակիչում Սերենա Ուիլյամսի մրցակիցը բելառուս Վիկտորիա Ազարենկոն էր: 1 ժամ 53 րոպե ձգված մրցախաղում Ազարենկան հաղթեց երեք սեթերից հետո 1:6, 6:3, 6:3 հաշվով:

2013 թվականից ի վեր բելառուս թենիսիստն առաջին անգամ է դուրս գալիս Մեծ սաղավարտի մրցաշարերից մեկ եզրափակիչ:

ԱՄՆ թենիսի բաց առաջնությունը կեզրափակվի սեպտեմբերի 13-ին: Մրցաշարի մրցանակային ֆոնդը կազմում է 53,4 միլիոն ԱՄՆ դոլար: Համավարակի պատճառով կազմակերպիչները հատուկ ձևաչափ են մտածել մրցաշարի մասնակիցների համար, այդ իսկ պատճառով այս տարի մրցաշարին չեն մասնակցում համաշխարհային թենիսի մի շարք աստղեր:

Պատրաստեց Վարվառա Հայրապետյանը