Հանրային ծառայությունների միասնական գրասենյակը ծառայություն է մատուցել 1500 քաղաքացիների

2 րոպեի ընթերցում

ԵՐԵՎԱՆ, 10 ՕԳՈՍՏՈՍԻ, ԱՐՄԵՆՊՐԵՍ։ Հանրային ծառայությունների միասնական գրասենյակը, որտեղ մատուցվում են ինը ոլորտների 97 պետական ծառայություններ, գործարկումից ի վեր ծառայություն է մատուցել 1500 քաղաքացիների։ «Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրառում է կատարել ՀՀ արդարադատության նախարար Ռուստամ Բադասյանը։

«Հուլիսի 22-ին պաշտոնապես գործարկեցինք Հանրային ծառայությունների միասնական գրասենյակը, որտեղ մատուցվում են ինը ոլորտների 97 պետական ծառայություններ։ Այս կարճ ժամկետում Գրասենյակը սպասարկել է 1500 քաղաքացիների։

Եվս մեկ անգամ հիշեցնեմ, որ Միասնական գրասենյակում մատուցվում են՝

Քաղաքացիական կացության ակտերի գրանցման գործակալության,

Իրավաբանական անձանց պետական ռեգիստրի,

Պետական եկամուտների կոմիտեի,

Ազգային արխիվի,

Սոցիալական ապահովության ծառայության,

Միգրացիոն ծառայության,

Կադաստրի կոմիտեի,

Թաղման բյուրոյի,

ինչպես նաև նոտարական ծառայություններ:

Մեր քաղաքացիների համար ստեղծել ենք բոլոր հարմարավետ պայմանները մեկ կենտրոնից՝ առանց տարբեր պետական մարմիններ այցելելու, ստանալու մի քանի պետական մարմինների հետ կապված ծառայություններ։

Տարածքն ունի սպասասրահ, ավտոկայանատեղի և հագեցված է բանկային տերմինալներով, հերթագրման սարքերով (գործում է նաև էլեկտրոնային հերթագրման հնարավորություն՝ Еarlyone բջջային հավելվածով):

Հանրային ծառայությունների միասնական գրասենյակում դիմումները կարող եք ներկայացնել Վազգեն Սարգսյան 3 հասցեում՝ յուրաքանչյուր աշխատանքային օր՝ 09։00-14։00-ն և 15։00-18։00-ն ընկած ժամանակահատվածում։ Կախված Գրասենյակ դիմող քաղաքացիների ակտիվությունից՝ անհրաժեշտության դեպքում սպասարկումը կիրականացվի նաև հանգստյան օրերին»,- գրել է նախարարը:

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն