1 րոպեի ընթերցում
ԲԵՅՐՈՒԹ, 22 ՀՈՒՆԻՍԻ, ԱՐՄԵՆՊՐԵՍ։ Բեյրութում կյանքից հեռացել է սփյուռքահայ վաստակաշատ մանկավարժ Մարո Գանտահարյանը։ Նա տասնամյակներ հայկական տարբեր վարժարաններում եւ հատկապես Բեյրութի «Սուրեն Խանամիրյան» քոլեջում կրթել է սերունդներ` դասավանդելով անգլերեն։ Նա սփյուռքահայ կրթամշակութային հայտնի գործիչ Գեւորգ Գանտահարյանի կինն էր և Բեյրութում լույս ընծայվող «Ազդակ»-ի գլխավոր խմբագիր Շահան Գանտահարյանի մայրը։
«Արմենպրես»-ի խմբագրակազմը ցավակցում է Մարո Գանտահարյանի հարազատներին ու մերձավորներին, կիսում կորստյան ծանր վիշտը։