Կառավարությունը հաստատեց ՀՀ ոստիկանության բարեփոխումների ռազմավարությունը

3 րոպեի ընթերցում

ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Կառավարությունը հաստատեց ՀՀ ոստիկանության բարեփոխումների ռազմավարությունը և դրանից բխող2020-2022թվականների գործողությունների ծրագիրը, որով նախատեսվում է Հայաստանում Ներքին գործերի նախարարություն ձևավորել:

Արդարադատության նախարար Ռուստամ Բադասյանը կառավարության նիստում ասաց, որ ՆԳՆ-ն քաղաքականություն մշակող կլինի և քաղաքական պատասխանատվություն կկրի ոլորտում իրականացվելիք բարեփոխումների համար: Ստեղծվելու է նաև պարեկային ծառայություն և օպերատիվ կառավարման կենտրոն:

«Մենք խնդիր ենք դրել արդեն 2021 թվականի առաջին եռամսյակում ունենալ նոր պարեկային ծառայություն, ինչը նշանակում է, որ ոստիկանության ողջ արտաքին ծառայությունը պետք է ամբողջությամբ փոխվի: Ընդ որում, պետք է փոխվի ոչ թե ձևով, այլ բովանդակությամբ»,- «Արմենպրես»-ի փոխանցմամբ, ասաց վարչապետ Նիկոլ Փաշինյանը: Նրա խոսքով՝ դրա առաջին փուլը կրթական փուլն է, որը պետք է մեկնարկեր այս տարվա ապրիլից, բայց կորոնավիրուսի պատճառով մի քիչ հետաձգվեց: Եվ ոստիկանությունում առկա կադրերի, և նոր կադրերի ներգրավման նպատակով Ոստիկանության ակադեմիայում պետք է դասընթացներ կազմակերպվեն:

«Ընդ որում, մեր պայմանավորվածությունը հետևյալն է, որ պարեկային ծառայության ամբողջ ենթակառուցվածքը պետք է լինի ամբողջությամբ նոր՝ սկսած տեխնիկական միոջներից, ավտոմեքենաներից, հագուստներից: Երկրորդ փուլում մենք կստեղծենք Ներքին գործերի նախարարություն, և հետագա ամբողջ քաղաքականությունը կիրականացնի Ներքին գործերի նախարարությունը: ՆԳՆ ստեղծման թեման վերջին երկու տարվա ընթացքում ամենաշատ քննարկված թեմաներից էր, և այստեղ մշտապես առաջացել է կոնֆլիկտ խնդրի քաղաքական ու զինվորական մասի բովանդակությունների միջև: Խնդիր է եղել այնպես անել, որ զինվորական ծառայությունը դուրս լինի քաղաքական ազդեցություններից: Եվ, ի վերջո, մենք հրաժարվել ենք այն տրամաբանությունից, որ հնարավորություն ստանանք քաղաքացիական անձանց նշանակել ոստիկանությունում, առավել ևս` ղեկավարի կարգավիճակով: Դրա համար մենք գնում ենք հետևյալ ճանապարհով՝ կունենանք Ներքին գործերի նախարարություն, և քաղաքական հատվածը հստակ կտարանջատվի զինվորական հատվածից: Ըստ էության, ՀՀ ոստիկանությունը կլինի հատուկ հարաբերությունների մեջ Ներքին գործերի նախարարության հետ, կլինի դրա կազմում: Մոտավորապես այն տրամաբանությամբ կգործի, որ հիմա ունենք Պաշտպանության նախարարություն և Զինված ուժերի գլխավոր շտաբ»,- նշեց վարչապետը:

Հայերեն English

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը