1 րոպեի ընթերցում
ԳԱՎԱՌ, 22 ԱՊՐԻԼԻ, ԱՐՄԵՆՊՐԵՍ: Նախորդ տարվա ապրիլի 21-ի համեմատ, այս տարվա նույն օրվա տվյալներով, Սեւանա լճի մակարդակը բարձրացել է 3 սանտիմետրով: Ինչպես «Արմենպրես»-ին տեղեկացրին ՀՀ ԱԻՆ «Հայհիդրոմետ» ծառայությունից, 2020 թվականի ապրիլի 21-ի դրությամբ Սեւանա լճի մակարդակը ծովի մակերեւույթից գտնվել է 1900 մետր 53 սանտիմետր բարձրության վրա: Նույն աղբյուրի համաձայն՝ այս տարվա հունվարի 9-ց մինչեւ ապրիլի 21-ն ընկած ժամանակահատվածում Արփա-Սեւան թունելային ջրատարով Սեւանա լիճ է հոսել 44 միլիոն 563 հազար խորանարդ մետր ջուր: Սեւանա լիճ թափվող գետերում դիտվել է ջրի ելքերի ավելացում:
Խոսրով Խլղաթյան