368.52
ԱԻՆ-ը և ՀԿԵ-ն համագործակցության նոր փաստաթուղթ ստորագրելու պայմանավորվածություն են ձեռք բերել
1 րոպեի ընթերցում
ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: Հայաստանի Հանրապետության արտակարգ իրավիճակների նախարար Ֆելիքս Ցոլակյանն ընդունել է «Հարավկովկասյան Երկաթուղի» փակ բաժնետիրական ընկերության գլխավոր տնօրեն Ալեքսեյ Մելնիկովին: «Արմենպրես»-ին այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից:
Հանդիպման նպատակն էր քննարկել հետագա համագործակցության ուղիներն ու հեռանկարները:
Ողջունելով նորանշանակ տնօրենին՝ նախարարը կարևորել է Հարավկովկասյան երկաթուղու անխափան աշխատանքը. ուղևորափոխադրումների, բեռնափոխադրումների անվտանգությունը և օպերատիվ արձագանքման անհրաժեշտությունը:
ՀԿԵ գլխավոր տնօրեն Ալեքսեյ Մելնիկովը շնորհակալություն է հայտնել ընդունելության համար և նշել, որ ԱԻ նախարարության հետ աշխատանքը համագործակցության հաջողված օրինակ է:
Հանդիպման ավարտին կողմերը պայմանավորվել են հետագա համագործակցության վերաբերյալ նոր փաստաթուղթ ստորագրել:
Բաժանորդագրվեք մեր ալիքին Telegram-ում