1 րոպեի ընթերցում
ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Տավուշի մարզում 2019 թվականին հաշվառվել է 1367 նոր աշխատատեղ՝ տարբեր ոլորտներում:
«Արմենպրես»-ի հաղորդմամբ՝ այս մասին ասուլիսում հայտնեց մարզպետ Հայկ Չոբանյանը՝ ամփոփելով 2019-ի ցուցանիշները, կատարված աշխատանքը:
«2019-ին հաշվառվել է 1367 նոր աշխատատեղ: Սրանք այն աշխատատեղերն են, որոնք մենք կարողացել ենք հաշվառել: Բնականաբար, հնարավոր է, որ ստեղծվել են նաև որոշակի աշխատատեղեր, որոնք մենք հնարավորություն չենք ունեցել հաշվառելու»,-ասաց մարզպետը:
Հաշվառված չեն պաշտպանության նախարարության համակարգում ստեղծված աշխատատեղերը: Աշխատատեղերը ստեղծվել են տարբեր ոլորտներում, օրինակ՝ 600-ից ավելի աշխատատեղ՝ գյուղատնտեսության ոլորտում, 113 նոր աշխատատեղ՝ տուրիզմի ոլորտում և այլն:
Մարզպետը տեղեկացրեց նաև, որ այդ նոր աշխատատեղերը ստեղծվել են նաև ներդրումային ծրագրերի իրականացման արդյունքում: