Կոնդը կներկայանա մշակութային միջոցառումներով. Ֆրանսիայի, Գերմանիայի դեսպանատների նոր ծրագիրը
1 րոպեի ընթերցում
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Երևանի ամենահին թաղամասերից մեկը՝ Կոնդը, կներկայանա մշակութային բազմապիսի միջոցառումներով: Ինչպես «Արմենպրես»-ին տեղեկացրեցին Հայաստանում Ֆրանսիայի դեսպանատնից, Գերմանիայի դեսպանատան հետ համատեղ իրականցվելու է ծրագիր, որի շրջանակում մեկ ամիս շարունակ Կոնդում անցկացվելու են տարբեր մշակութային միջոցառումներ: Նախատեսված են երաժշտական ծրագրեր, փողոցային արվեստի, ֆիլմերի ցուցադրություններ:
Նախաձեռնության նպատակն է արժևորել Երևանի ամենահին թաղամասի ճարտարապետության ժառանգությունը: Ծրագիրը կանցկացվի ամռանը, կտևի մեկ ամիս: Միջոցառումների ամբողջական մանրամասները կներկայացվեն ավելի ուշ:
Կոնդը հին թաղամաս է Երևանի արևելյան բարձրադիր մասում։ Գտնվում է ժամանակակից Կենտրոն վարչական շրջանի սահմաններում։ Անվանումը տրվել է իր բարձր դիրքի պատճառով: Կոնդում է գտնվում Սուրբ Սուրբ Հովհաննես Մկրտիչ եկեղեցին:
2019 թվականի հուլիսին եղել է Երևանի քաղաքապետի՝ Կոնդ թաղամասի նախատեսվող վերակառուցման, կառուցապատման աշխատանքների հետ կապված խնդիրների լուծման նպատակով հանձնաժողով ստեղծելու կարգադրությունը: