Իսրայելի նախագահն ընդունել է Երուսաղեմի քրիստոնյա հոգևոր պետերին
1 րոպեի ընթերցում
![Իսրայելի նախագահն ընդունել է Երուսաղեմի քրիստոնյա հոգևոր պետերին](http://armenpress.am/resized/480/static/news/b/2019/12/1000526.jpg)
ԵՐԵՎԱՆ, 30 ԴԵԿՏԵՄԲԵՐԻ, ԱՐՄԵՆՊՐԵՍ: Ամանորի և Սուրբ Ծննդյան տոների առթիվ Իսրայելի նախագահ Ռըուվեն Ռիվլինը նախագահական պալատում դեկտեմբերի 30-ին ընդունել է Սուրբ Երկրի քրիստոնյա հոգևոր պետերին:
«Արմենպրես»-ի հաղորդմամբ` այս մասին «Ֆեյսբուք»-ի իր էջում գրել է Երուսաղեմի հայոց պատրիարքարանի դիվանապետ Կորյուն վարդապետ Բաղդասարյանը:
«Երուսաղեմի Հայոց պատրիարքությունից ընդունելությանը մասնակցեցին Սուրբ Աթոռի լուսարարապետ Երուսաղեմի Հայոց Պատրիարքարանի ԼուսարարապետՍևան արքեպիսկոպոս Ղարիբյանը, ավագ թարգման Ղևոնդ վարդապետ Հովհաննիսյանը և դիվանապետ Կորյուն վարդապետ Բաղդասարյանը»,- գրել է դիվանապետ Կորյուն վարդապետ Բաղդասարյանը։