ერევანი, 17 იანვარი, არმენპრესი. ევროკავშირის საბჭომ გადაწყვიტა გააფართოოს თავისი სამოქალაქო სადამკვირვებლო მისია სომხეთში. როგორც „არმენპრესი“ იუწყება, ამის შესახებ სომხეთში ევროკავშირის სადამკვირვებლო მისიის პრესსამსახურმა X-ის თავის გვერდზე დაწერა.

„ჩვენ მივესალმებით ევროკავშირის საბჭოს გადაწყვეტილებას სომხეთში სამოქალაქო სადამკვირვებლო მისიის გაფართოების შესახებ. მისიის პერსონალის ზრდა ხაზს უსვამს ევროკავშირის ერთგულებას რეგიონში მშვიდობისა და უსაფრთხოების მიმართ“,- ნათქვამია განცხადებაში.

ევროკავშირის ვებგვერდზე გამოქვეყნებულ გადაწყვეტილებაში აღნიშნულია, რომ მისიასთან დაკავშირებული ხარჯების დასაფარად 2023 წლის 23 იანვრიდან 19 თებერვლამდე პერიოდში გათვალისწინებული ძირითადი ფინანსური თანხა 39 მილიონ 35 ათასი ევრო იქნება.

შეგახსენებთ, რომ 2023 წლის დეკემბერში ევროკავშირის უმაღლესმა წარმომადგენელმა საგარეო საქმეთა და უსაფრთხოების  საკითხებში, ჯოზეფ ბორელმა განაცხადა, რომ სომხეთში ევროკავშირის სამოქალაქო სადამკვირვებლო მისიის რაოდენობა 138-დან 209-მდე გაიზრდება.