ქანაანი - სატრანზიტო თანამშრომლობის განვითარება არ შეიძლება იყოს ქვეყნების ტერიტორიული მთლიანობის დარღვევის საფუძველი

ერევანი, 8 იანვარი, არმენპრეს. ირანს აქვს მკაფიო პოზიციები სამხრეთ კავკასიაში არსებულ ვითარებასთან და სატრანზიტო დერეფნებთან დაკავშირებით.

როგორც„არმენპრესი“იუწყება TASS-ზე დაყრდნობით, ამის შესახებ ირანის საგარეო საქმეთა სამინისტროს პრესსპიკერმა ნასერ ქანაანმა ე.წ. „ზანგეზურის დერეფნის“ შესახებ თურქეთის ტრანსპორტისა და ინფრასტრუქტურის მინისტრის განცხადების საპასუხოდ განაცხადა.

„ჩვენ დიდ ძალისხმევას ვაკეთებთ რეგიონის ქვეყნებში მშვიდობის, სტაბილურობისა და უსაფრთხოების დასამყარებლად. ხაზს ვუსვამთ, რომ სატრანზიტო თანამშრომლობის განვითარება არ შეიძლება იყოს გეოპოლიტიკური ცვლილებებისა და ქვეყნების ტერიტორიული მთლიანობისა და ეროვნული სუვერენიტეტის დარღვევის საფუძველი“, - განაცხადა ქანაანმა.

თურქეთის ტრანსპორტისა და ინფრასტრუქტურის მინისტრმა აბდულკადირ ურალოღლუმ განაცხადა, რომ თურქეთი ე.წ. „ზანგეზურის დერეფნის“ პროექტის დასრულებას 2029 წლისთვის მოელის.