Պետհանձնաժողովն Աթամբաեւին պատասխանատու Է համարել Ղրղզստանում տեղ գտած անկարգությունների համար
16:05, 12 Դեկտեմբեր 2019
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Ղրղզստանում Պետական հանձնաժողովն օգոստոսի սկզբին երկրում ծայր առած զանգվածային անկարգությունների պատասխանատվությունն ամբողջությամբ դրել Է հանրապետության նախկին նախագահ Ալմազբեկ Աթամբաեւ վրա, հանձնաժողովի եզրակացությունները դեկտեմբերի 12-ին խորհրդարանի նիստում ընթերցել Է պատգամավոր Թինչթիք Շայնազարովը, տեղեկացնում Է «Արմենպրես»-ը:
«2019 թվականի օգոստոսի 7-ի եւ 8-ի իրադարձությունների պատասխանատվությունն ամբողջությամբ եւ լիովին ընկած Է Աթամբաեւի եւ նրա կողմնակիցների վրա, որոնք պլանավորել Էին զինված հակահարված իրավապահ մարմինների աշխատակիցների օրինական գործողություններին եւ իշխանության հետագա բռնի զավթում»,- ասված Է հանձաժողովի եզրակացության մեջ:
Հանձնաժողովի եզրակացությունների համաձայն՝ երկրի Ազգային անվտանգության պետական կոմիտեի եւ ներքին գործերի նախարարության ղեկավարության գործողությունները, «չնայած թույլ տրված սխալներին ու վրիպումներին, հիմնված են եղել Ղրղզստանի Սահմանադրության եւ օրենսդրության նորմաների վրա»:
Ղրղզստանի հատուկ ծառայություններն օգոստոսի 7 – 8-ը Կոյ Թաշ գյուղում՝ մայրաքաղաքից 20 կիլոմետր հեռավորության վրա, իրականացրել են նախկին նախագահ Աթամբաեւի ձերբակալման գործողություն նրա կեցավայրում, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում