Ժամանակը Երևանում՝ 11:07:36,   15 Դեկտեմբեր

«Հովեր» պետական կամերային երգչախումբը հյուրախաղերով հանդես է եկել Գերմանիայում և Բելգիայում

«Հովեր» պետական կամերային երգչախումբը հյուրախաղերով հանդես է եկել 
Գերմանիայում և Բելգիայում

ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: ԿԳՄՍ նախարարության աջակցությամբ «Հովեր» պետական կամերային երգչախումբը՝ խմբավար Սոնա Հովհաննիսյանի ղեկավարությամբ Կոմիտաս վարդապետի 150-ամյակին նվիրված համերգներով հանդես է եկել Գերմանիայի Մյունխեն և Բելգիայի Բրյուսել քաղաքներում: «Արմենպրես»-ին այս մասին հայտնեցին ՀՀ ԿԳՄՍ նախարարությունից:

«EUROPAMUSICALE» եվրոպական մշակութային հիմնադրամի հրավերով նոյեմբերի 29-ին Մյունխենում կայացել է երգչախմբի առաջին համերգը, որի ընթացքում հանդես է եկել նաև թավջութակահար Միքայել Հախնազարյանը: Համերգի առաջին բաժինն ամբողջությամբ կոմիտասյան կատարումներ էին: Երկրորդ բաժնում հնչել են Պենդերեցկու, Բրուքների, Վաչե Շարաֆյանի, Աննա Ազիզյանի, Արզաս Ոսկանյանի և այլ կոմպոզիտորների գործեր: Տեղի է ունեցել Հակոբ Մազլումյանի «Լռություն» ստեղծագործության պրեմիերան:

Բելգիայի հայկական մշակութային կենտրոնի հրավերով նոյեմբերի 1-ին Բրյուսելում կայացել է երգչախմբի երկրորդ համերգը: Հնչել են մեծամասամբ Կոմիտասի, Մեսրոպ Մաշտոցի, ինչպես նաև Աննա Ազիզյանի, Վաչե Շարաֆյանի ստեղծագործությունները:

«Հովեր» պետական կամերային երգչախմբի համերգները Գերմանիայում և Բելգիայում անցել են բարձր մակարդակով: Հանդիսատեսն աննախադեպ ջերմությամբ է ընդունել երգչախմբի ելույթները:

 




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ