ԼՂ հարցի կարգավորման վերաբերյալ ՀՀ և Արցախի իշխանությունների պատկերացումները նույնական են. Փաշինյան
00:07, 4 Նոյեմբեր 2019
ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: Լեռնային Ղարաբաղի հակամարտության կարգավորման վերաբերյալ Հայաստանի Հանրապետության և Արցախի Հանրապետության իշխանությունների պատկերացումները նույնական են: «Արմենպրես»-ի փոխանցմամբ՝ այս մասին «Ֆեյսբուք»-ի իր էջի ուղիղ եթերում ասաց ՀՀ վարչապետ Նիկոլ Փաշինյանը:
«Վերջին շրջանում շատ հաճախ է շահարկվել, թե Արցախի իշխանության և Հայաստանի իշխանության մեջ կան հակասություններ ու հակադրություններ: Ուզում եմ արձանագրել, որ ՀՀ իշխանության և Արցախի իշխանության պատկերացումները Ղարաբաղի հարցի կարգավորման վերաբերյալ, նույնական են»,- ասաց Փաշինյանը:
ՀՀ վարչապետը նշեց, որ այլ կերպ լինել չի կարող:
Բաժանորդագրվեք մեր ալիքին Telegram-ում