Վաչագան Ղազարյանի քրգործի նախաքննության ընթացքում վերականգնվել է շուրջ 3 մլրդ դրամ

ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ երրորդ նախագահ Սերժ Սարգսյանի թիկնազորի նախկին պետ Վաչագան Ղազարյանի և նրա կնոջ քրեական գործի նախաքննության ընթացքում պետբյուջե է վերականգնվել շուրջ 3 միլիարդ ՀՀ դրամի չափով գումար: Այս մասին «Արմենպրես»-ին տեղեկացրին ՀՀ ՀՔԾ լրատվական ծառայությունից:

Վաչագան Ղազարյանին ու նրա կնոջը` Ռուզաննա Բեգլարյանին, մեղադրանք էր առաջադրվել ՀՀ քրեական օրենսգրքի 314.3-րդ հոդվածի 2-րդ մասով և 310.1-ին հոդվածի 1-ին մասով նախատեսված արարքների կատարման համար: Նշված հոդվածները վերաբերում են հայտարարագրերում կեղծ տվյալներ ներկայացնելու կամ հայտարարագրման ենթակա տվյալը թաքցնելու, ապօրինի հարստանալու հանցակազմերին: Նախաքննությունը շարունակվում է: