Թրամփն առաջարկել Է ԱՄՆ-ում հրաձգության խնդիրը լուծել հոգեբուժարանների կառուցմամբ
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Ամբողջ երկրում նոր հոգեբուժական հիվանդանոցների կառուցումը կարող Է հաղթահարել ԱՄՆ-ում զենքի կիրառման հետ կապված բռնությունը: Այդ մասին, ինչպես տեղեկացնում Է «Արմենպրես»-ը, հայտարարել Է Միացյալ Նահանգների նախագահ Դոնալդ Թրամփը:
«Ատրճանակը չԷ, որ սեղմում Է հրահանը, այլ մարդը, որը բռնում Է ատրճանակը»,- ասել Է Թրամփը՝ ընտրողների առջեւ ելույթ ունենալով Նյու Հեմփշիրում կայացած հանրահավաքում: Նա խոստացել Է «լրջորեն մտածել» երկրում հոգեբուժարանների քանակի ավելացման մասին: Նրա կարծիքով՝ «հոգեպես անառողջ եւ վտանգավոր մարդկանց» անհրաժեշտ Է «հեռացնել փողոցներից», որպեսզի նրանց մասին հարկ չլինի «խիստ անհանգստանալու»: Ըստ որում Թրամփն ընտրողներին հավաստիացրել Է, որ միշտ կպաշտպանի երկրի քաղաքացիների ինքնապաշտպանության իրավունքը, որը երաշխավորված Է ԱՄՆ-ի Սահմանադրության Երկրորդ ուղղմամբ, հաղորդել Է «Ինտերֆաքսը»:
Բաժանորդագրվեք մեր ալիքին Telegram-ում