ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Ռուսաստանի քաղաքներից Վրաստան տոմսերի պահանջարկը կիսով չափ կրճատվել Է ավիաչվերթների արգելումից հետո, ըստ որում նստափոխմամբ թռիչքի նվազագույն արժեքն այժմ մեկ երրորդով ավելի Է, քան ուղիղ չվերթներինը: Այդ մասին, ինչպես տեղեկացնում Է «Արմենպրես»-ը, վկայում Է Տուտու.ռու. ճանապարհորդությունների ծառայության հետազոտությունը:

«Ինչպես ցույց Է տվել հունիսի 21-ից հետո Ռուսաստանի բոլոր քաղաքներից Վրաստան ավիատոմսերի որոնողական հարցումների վերլուծությունը, հուլիսի 1-ից մինչեւ 7-ը մեկնաթռիչքով ամենաԷժան ուղիղ թռիչքի միջին գինը կազմում Է 7 079 ռուբլի, իսկ նստափոխմամբ՝ 9 462 ռուբլի: Այսպիսով, Վրաստան միջին չեկն աճել Է մեկ երրորդով (34 տոկոսով): Տոմսերի պահանջարկը, նախնական տվյալներով՝ նվազել Է ավելի քան կիսով չափ»,- հունիսի 26-ին հայտնել են կազմակերպության մամուլի ծառայությունում, հաղորդել Է «Ինտերֆաքսը»: