ՀՅԴ-ն հանրահավաք է հրավիրում Ազատության հրապարակում
15:52, 20 Մայիս 2019
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: ՀՅԴ-ն մայիսի 23-ին Ազատության հրապարակում հանրահավաք է հրավիրում: Ինչպես հաղորդում է «Արմենպրես»-ը, այս մասին «Ֆեյսբուք»-ի էջում գրառում է կատարել ՀՅԴ ԳՄ ներկայացուցիչ Իշխան Սաղաթելյանը:
«ՀՅԴ առաջիկա ժամերին հանդես կգա հայտարարությամբ: Մինչ այդ տեղեկացնեմ, որ Դաշնակցությունը մայիսի 23-ին, ժամը 19:00 -ին Ազատության հրապարակում հրավիրում է հանրահավաք։
ՀՅԴ Գերագույն մարմինը իր գոհունակություն է հայտնում ՀՅԴ Հայաստանի կառույցի բոլոր ընկերներին և համակիրներին իրենց զգոն, գիտակից և պատրաստակամ պահվածքի համար»,- գրել է Սաղաթելյանը։
Բաժանորդագրվեք մեր ալիքին Telegram-ում