ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Կանադացի փոփ-երգիչ Ջասթին Բիբերի ,I՚ll Show Youե տեսահոլովակը հանգեցրել Է Իսլանդիայի Ֆյադրարգլյուֆուր կանյոնի փակմանը, որտեղ անցկացվել են նկարահանումները: Այդ մասին, ինչպես տեղեկացնում Է «Արմենպրես»-ը, հաղորդել Է Daily Mail-ը:

Երաժշտական տեսահոլովակի թողարկումից հետո կատարողի հազարավոր երկրպագուներ ուղեւորվել են կանյոն՝ զանց առնելով արգելավայրեր այցելության մի շարք կառավարական արգելքներ: Այցելուներն անցել են տեղադրված փակոցների վրայով՝ անտեսելով սահմանափակիչ նշանները, ինչպես նաեւ փորձել են թաքնվել ազգային բնայգու տեսուչներից: Դրա հետեւանքով բնության պահպանության գերատեսչությունների ներկայացուցիչներն ստիպված են եղել լիովին փակել կանյոնը: Տեղի իշխանությունները հայտարարել են, որ Բիբերին չեն մեղադրում ստեղծված իրավիճակի համար, սակայն հանրաճանչ մարդկանց խնդրում են մտածել իրենց գործողությունների հետեւանքների մասին, որոնք կարող են վնաս հասցնել շրջակա միջավայրին: Վերջին ութ տարում Իսլանդիայում զբոսաշրջիկների թիվն ավելացել Է ավելի քան 1,5 միլիոնով. 2011 թվականին ժամանել Է 600 հազար, 2018-ին՝ 2,3 միլիոն մարդ: Հանրաճանաչ կատարողի տեսահոլովակը նկարահանվել Է 2015 թվականին եւ չորս տարում հավաքել Է ավելի քան 440 միլիոն դիտում: