ԵՐԵՎԱՆ, 18 ՄԱՅԻՍԻ, ԱՐՄԵՆՊՐԵՍ: Հոլիվուդյան ռեալիթի շոուների աստղ Քիմ Քարդաշյանն ու նրա ամուսինը՝ ռեփեր Քանյե Ուեսթը, բացահատել են իրենց չորրորդ երեխայի անունը: Ինչպես հաղորդում է «Արմենպրես»-ը, ինչպես նախորդ երեխաների դեպքում, այս անգամ ևս զույգը յուրօրինակ անուն է գտել երեխայի համար՝ անվանելով տղային Սամ (Psalm), որը թարգմանաբար նշանակում է «սաղմոս»:

Քարդաշյանը երեխայի անունը հրապարակել է սոցցանցում արված գրառմամբ: Միաժամանակ նա հրապարակել է Քանյեից իրեն ուղարկված հաղորդագրությունն ու երեխայի նկարը, որում ռեփերը գրել է. «Մոր հրաշալի օրը: Մեր չորրորդ երեխայի գալուստով մենք ավելի քան օրհնյալ ենք: Մենք ունենք ամեն բան, ինչ մեզ պետք է»:

Զույգն արդեն ուներ երեք երեխա՝ 5-ամյա Նորթը (թարգմանաբար նշանակում է «հյուսիս»), 3-ամյա Սեյնթը (թարգմանաբար նշանակում է «սուրբ») և 1 տարեկան Չիկագոն:

Չիկագոն և Սամը լույս աշխարհ են եկել փոխնակ մոր օգնությամբ:

Посмотреть эту публикацию в Instagram

‪Psalm West ‬

Публикация от Kim Kardashian West (@kimkardashian) 17 Май 2019 в 3:07 PDT