Արթուր Սարկիսովը վնասվածք է ստացել
00:12, 22 Ապրիլ 2019
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Ֆուտբոլի Հայաստանի ազգային թիմի հարձակվող Արթուր Սարկիսովը վնասվածք է ստացել:
«Արմենպրես»-ի հաղորդմամբ՝ ֆուտբոլի Ռուսաստանի առաջնության 24-րդ տուրում Կրասնոյարսկի «Ենիսեյ»-ը մրցեց Մոսկվայի «Սպարտակ»-ի հետ և պարտվեց 0:2 հաշվով:
Հայաստանի ազգային թիմի հարձակվող Արթուր Սարկիսովը թիմի մեկնարկային կազմում չէր, խաղադաշտ դուրս եկավ 59-րդ րոպեին և 5 րոպե անց վնասվածք ստացավ: Ու քանի որ «Ենիսեյ»-ն արդեն կատարել էր բոլոր 3 փոփոխությունները, թիմը հանդիպման մնացած հատվածն անցկացրեց 10 ֆուտբոլիստով:
«Ենիսեյ»-ը մրցաշարային աղյուսակում վերջին տեղում է:
Բաժանորդագրվեք մեր ալիքին Telegram-ում