Լիլիթ Մակունցը «Քաղաքացու օրվա» տոնակատարությունների համար տրամադրվելիք 124 մլն դրամն արդարացված է համարում
14:57, 18 Ապրիլ 2019
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: ՀՀ Ազգային ժողովի «Իմ քայլը» խմբակցության ղեկավար Լիլիթ Մակունցը Կառավարության պահուստային ֆոնդից «Քաղաքացու օրվա» տոնակատարությունների համար տրամադրվելիք 124 մլն դրամն արդարացված է համարում:
«Արմենպրես»-ի փոխանցմամբ՝ Մակունցն այս մասին ասաց ապրիլի 18-ին լրագրողների հետ զրույցում:
«Տոնակատարությունների համար պարբերաբար գումարներ հատկացվում են, և, այո՛, ես կարծում եմ, որ Քաղաքացու օրը նշելու համար պետք է հատկացվի գումար: Այդ գումարը ծախսվելու է ոչ միայն տոնը Երևանում, այլև բոլոր մարզերում նշելու համար»,- ասաց Մակունցը:
Քաղաքացու օրը կնշվի յուրաքանչյուր տարվա ապրիլի վերջին շաբաթ օրը:
Բաժանորդագրվեք մեր ալիքին Telegram-ում