Ժամանակը Երևանում՝ 11:07:36,   29 Մայիս 2022

ԱՄՆ Ազգային պաշտպանական համալսարանի Պատերազմի քոլեջի ունկնդիրները պրակտիկա են անցկացնում Հայաստանում

ԱՄՆ Ազգային պաշտպանական համալսարանի Պատերազմի քոլեջի ունկնդիրները 
պրակտիկա են անցկացնում Հայաստանում

ԵՐԵՎԱՆ, 2 ԱՊՐԻԼԻ, ԱՐՄԵՆՊՐԵՍ: ՀՀ պաշտպանության նախարարության վարչական համալիրում ապրիլի 2-ին հյուրընկալվել են տարածաշրջանային այցով Հայաստանում գտնվող ԱՄՆ Ազգային պաշտպանական համալսարանի Պատերազմի քոլեջի ուկնդիրները:

Քոլեջի ուսանողները Հայաստանում անցկացնում են գիտաարտադրական պրակտիկա, որը միտված է թեմատիկ մագիստրոսական հետազոտության շրջանակներում Հարավային Կովկասում անվտանգային խնդիրներին ծանոթանալուն:

Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, քոլեջի ունկնդիրների հետ հանդիպմանը ներկայացված «ՀՀ պաշտպանական քաղաքականությունը» բանախոսության և քննարկման ընթացքում անդրադարձ է կատարվել տարածաշրջանում ձևավորված անվտանգային միջավայրին, Հայաստանի դիտանկյունից առկա սպառնալիքներին ու մարտահրավերներին: Ներկայացվել են նաև ՀՀ կառավարության ծրագրում և ՀՀ պաշտպանության նախարարի տեսլականում ամփոփված պաշտպանական քաղաքականության հիմնական հայեցակետերը, իրականացվող ռազմական բարեփոխումները և միջազգային համագործակցության շրջանակները:

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]