Լիբանանից սիրիացի փախստականների ալիքը կարող Է հասնել Եվրոպա. նախագահ Միշել Աուն
14:32, 26 Մարտ 2019
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Լիբանանի տնտեսական իրադրությունը, որի տարածքում գտնվում են 1,5 մլն սիրիացի փախստականներ, կարող Է նրանց դրդել արտագաղթելու Եվրոպա: Այդ մասին Լիբանանի նախագահ Միշել Աունը հայտարարել Է ՌԴ Պետդումայի խոսնակ Վյաչեսլավ Վոլոդինի հետ մարտի 26-ին կայացած հանդիպմանը, տեղեկացնում Է «Արմենպրես»-ը՝ հղում անելով ՏԱՍՍ-ին:
«Մեզ մոտ կա 500 հազար պաղեստինցի փախստական, եւս շուրջ 1,5 մլն սիրիացի: Դա չափազանց շատ Է մեր երկրի համար,-ընդգծել Է Աունը:-Եվրոպան անմիջականորեն շահագրգռված Է իրադրության կարգավորմամբ, քանի որ Լիբանանում գտնվող սիրիացի փախստականները դժգոհ են երկրի տնտեսական իրադրությունից եւ մոտ ժամանակներս միգրանտների նորանոր ալիքներ կտարածվեն դեպի Եվրոպա»:
«Մենք բախվում ենք սիրիական ճգնաժամի սարսափազդու տնտեսական հետեւանքներին,-հավելել Է նա:-Մեծ հույս ունենք, որ ՌԴ-ն մեզ կաջակցի լուծելու գլխավոր խնդիրը՝ մեզ մոտ գտնվող սիրիացի փախստականներին վերադարձնելու իրենց տներ»:
Բաժանորդագրվեք մեր ալիքին Telegram-ում