Ժամանակը Երևանում՝ 11:07:36,   24 Ապրիլ

Երևանում անցկացվել է «Հոգևոր արժեքները և ժամանակակից պետությունը» թեմայով համաժողով


ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: Երևանում անցկացվել է «Հոգևոր արժեքները և ժամանակակից պետությունը» թեմայով համաժողով, որը կազմակերպվել էր «Ինտեգրացիայի և զարգացում» հասարակական կազմակերպության և Ցանցային հետազոտությունների ինստիտուտի կողմից: Համաժողովին մասնակցում էին Հայաստանում հավատարմագրված ԵԱՏՄ երկրների դեսպաններ, առաջատար հայ եւ ռուս փորձագետներ, հետազոտողներ:

Մասնակիցները քննարկել են ժամանակակից հասարակության առավել կարեւոր խնդիրները կապված՝ հոգեւոր արժեքների պահպանման, կրոնի դերի, ավանդույթների եւ հարաբերությունների արդիականացման հետ: Քննարկման առանցքում են եղել հոգևոր արժեքների հետ կապված այն գործընթացները, որոնք տեղի են ունենում առանձին պետություններում եւ ամբողջ աշխարհում:

Հայաստանում Ռուսաստանի արտակարգ և լիազոր դեսպան Սերգեյ Կոպիրկինն իր խոսքում նշել է, որ ժամանակակից աշխարհն արագ փոփոխվում է, և այդ պայմաններում կարևոր է արժեքների ինչ-որ համակարգ պահպանելը։

«Շատ կարևոր է արժեքների համակարգ պահպանելը` բարին չարից, լավը վատից, օգուտը վնասից տարբերելու համար: Դրանում առանցքային դեր է խաղում գենետիկ առանցքը: Դրանք էլ հոգևոր արժեքներն են ինչպես անհատի, այնպես էլ՝ հասարակության», – ասել է դեսպանը:

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ