Վարչապետի որոշմամբ Արթուր Հովհաննիսյանն ու Սուրեն Քրմոյանն ազատվել են պաշտոնից
19:05, 22 Մարտ 2019
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանի որոշմամբ՝ ՀՀ արդարադատության փոխնախարար Արթուր Հովհաննիսյանն ու Սուրեն Քրմոյանն ազատվել են պաշտոնից: «Արմենպրես»-ի փոխանցմամբ ՝ այս մասին որոշումը տեղադրված է e-gov.am կայքում:
Որոշման համաձայն՝ Արթուր Հովհաննիսյանն ազատվել է արդարադատության նախարարի առաջին տեղակալի պաշտոնից, իսկ Սուրեն Քրմոյանը՝ արդարադատության նախարարի տեղակալի պաշտոնից:
Քրմոյանը փոխնախարարի պաշտոնը զբաղեցնում էր 2014-ի մայիսից, իսկ Հովհաննիսյանը՝ 2016-ի հոկտեմբերից:
Բաժանորդագրվեք մեր ալիքին Telegram-ում