Երևանում՝ 11:07,   19 Մարտ 2024

Կենտրոն վարչական շրջանի ղեկավարը ողջունում է «Ջազզվե» սրճարանի համասեփականատիրոջ հայտարարությունը

Կենտրոն վարչական շրջանի ղեկավարը ողջունում է «Ջազզվե» սրճարանի 
համասեփականատիրոջ հայտարարությունը

ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Երևանի Կենտրոն վարչական շրջանի ղեկավար Վիկտոր Մնացականյանը ողջունում է օպերային թատրոնի հարակից տարածքի սրճարանների ապամոնտաժման շուրջ ստեղծված իրավիճակի վերաբերյալ «Ջազզվե» սրճարանի համասեփականատիրոջ հայտարարությունը:

 Ինչպես տեղեկացնում է «Արմենպրես»-ը, մեկնաբանելով «Ջազզվե» սրճարանի համասեփականատիրոջ հայտարարությունը՝ նա ասաց, թե ուրախ է, որ համասեփականատերը նման հայտարարությամբ է հանդես եղել:

«Ջազզվե» սրճարանի համասեփականատեր Արմեն Պետրոսյանը հայտարարություն էր տարածել, որում սրճարանների սեփականատերերին և աշխատակիցներին կոչ էր արել դադարեցնել բողոքի ակցիաներն ու պայքարը տեղափոխել իրավական հարթություն:

Մնացականյանն ասաց, որ այս պահին ավարտվում են «Ջազզվե» սրճարանի տանիքի քանդման աշխատաքները, զուգահեռ կտեղափոխվի «Ատլանտիս» սրճարանի քանդված տանիքը, այնուհետև քանդվելու են բետոնապատված տարածքները:

Մարտի 14-ին Երևանի քաղաքապետարանը շարունակել էր օպերայի հարակից տարածքի սրճարանների ապամոնտաժման աշխատանքները, ինչը հարուցել էր սրճարանների աշխատակիցների դժգոհությունը: Սրճարանի աշխատակիցները փակել էին Մաշտոցի պողոտան, իսկ այնուհետև՝ Թումանյան փողոցը: Ոստիկանությանը մի քանի փորձից հետո հաջողվել էր ակցիայի մասնակիցներին հեռացնել փողոցի երթևեկելի հատվածից և վերականգնել երթևեկությունը:Ոստիկանության գործողությունների ընթացքում լարվածություն էր առաջացել, քաղաքացիների և ոստիկանների միջև քաշքշուկ սկսվել, ինչի հետևանքով տուժել էին ինչպես քաղաքացիներ, այնպես էլ ոստիկաններ: Ոստիկանությունը հայտարարություն էր տարածել այն մասին, որ Մաշտոցի պողոտայում բողոքի ակցիայի ընթացքում քաղաքացուն հարվածներ հասցրած ոստիկանի լիազորությունները դադարեցված են, նշանակվել է ծառայողական քննություն:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]