ՆԱՏՕ-ն մտադիր Է պահպանել կապուղիները Ռուսաստանի հետ. Ստոլտենբերգ
15:02, 14 Մարտ 2019
ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: ՆԱՏՕ-ն մտադիր Է ապահովել Ռուսաստանի հետ ռազմական կապուղիների պահպանումը, հատկապես ճգնաժամի պայմաններում: Այդ մասին, ինչպես տեղեկացնում Է «Արմենպրես»-ը, ասված Է ՆԱՏՕ-ի գլխավոր քարտուղար Ենս Ստոլտենբերգի՝ դաշինքի գործունեության վերաբերյալ մարտի 14-ին հրապարակված ամենամյա զեկույցում:
«ՆԱՏՕ-ի ռազմական ղեկավարությունը պահպանում Է ռազմական կապուղիները ռուս գործընկերների հետ, եւ դաշինքը մտադիր Է այդ ուղիները պահել բաց ու հասանելի, հատկապես ճգնաժամի պայմաններում»,- նշվում Է փաստաթղթում:
Հյուսիսատլանտյան դաշինքը բավարար չի համարում Ռուսաստանի հետ փոխադարձ ռազմական բրիֆինգները խոշոր զորավարժությունների անցկացման շուրջ, ասված Է Ստոլտենբերգի զեկույցում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում