Ժամանակը Երևանում՝ 11:07:36,   19 Հունվար

ԱՄՆ-ում ՀՀ դեսպանը հանդիպում է ունեցել կոնգրեսական Ջիմ Քոսթայի հետ

ԱՄՆ-ում ՀՀ դեսպանը  հանդիպում է ունեցել կոնգրեսական Ջիմ Քոսթայի հետ

ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ում Հայաստանի Հանրապետության դեսպան Վարուժան Ներսեսյանը հունվարի 23-ին հանդիպել է  Կալիֆորնիայի հայաշատ համայնք ունեցող Ֆրեզնո շրջանը ներկայացնող կոնգրեսական Ջիմ Քոսթային (Jim Costa): Ինչպես «Արմենպրես»-ին տեղեկացրին ՀՀ ԱԳՆ լրատվության և հանրային դիվանագիտության վարչությունից, դեսպանը շնորհակալություն է հայտնել Ջիմ Քոսթային Հայկական հարցերի հանձնախմբի շրջանակներում երկարամյա ակտիվ գործունեության համար:

Զրուցակիցներն անդրադարձել են Հայաստանում տեղի ունեցած հիմնարար քաղաքական փոփոխություններին: Կոնգրեսականը հույս է հայտնել, որ այդ բարեփոխումները կհանգեցնեն հայ-ամերիկյան առևտրատնտեսական հարաբերությունների ու ներդրումների ընդլայնմանը:

Երկուստեք կարևորվել է նաև հայ-ամերիկյան բարեկամական հարաբերությունների ամրապնդման գործում ամերիկահայ համայնքի ուրույն նշանակությունը:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ