2018թ. Արցախի բուժհաստատություններում ծնվել է 2204 երեխա
15:29, 18 Հունվար 2019
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Անցած տարվա ընթացքում Արցախի Հանրապետության առողջապահության նախարարության բուժհաստատություններում ծնվել է 2204 երեխա, որոնցից 1119-ը տղա, 1085- ը՝ աղջիկ:
Ինչպես «Արմենպրես»-ին տեղեկացրին Արցախի Հանրապետության առողջապահության նախարարությունից, ընդհանուր քանակից քաղաք Ստեփանակերտում 1834 երեխա է ծնվել: Առավելագույն ծնունդներ շրջաններից գրանցվել է Մարտակերտի շրջանում՝ 188 երեխա , այնուհետև՝ Մարտունիում՝ 124 ,Հադրութում՝ 26 , Քաշաթաղում՝ 22 և Շահումյան ում ՝ 10 երեխա:
Հարկ է նշել, որ Արցախից ՀՀ բուժհաստատություններում ծնվել է 132 արցախցի երեխա:
Արդյունքում ԱՀ-ում ընդհանուր ծնելիությունը տարվա ընթացքում կազմել է 2333 երեխա, որոնցից 1179 -ը ՝ տղա են, 1154-ը ՝ աղջիկ: Ընդհանուր ծնունդներից 20-ը զույգեր են:
Բաժանորդագրվեք մեր ալիքին Telegram-ում