Ժամանակը Երևանում՝ 11:07:36,   19 Հունվար

Ցուցարարները խոստանում են չխոչընդոտել Մանվել Գրիգորյանի պաշտպանի գործունեությունը

Ցուցարարները խոստանում են չխոչընդոտել Մանվել Գրիգորյանի պաշտպանի 
գործունեությունը

ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Մանվել Գրիգորյանի պաշտպան Արսեն Մկրտչյանը հունվարի 17-ին հանդիպեց ՀՀ վերաքննիչ դատարանի շենքի առջև ԱԺ նախկին պատգամավոր գեներալ Մանվել Գրիգորյանի խափանման միջոցը փոխելու դեմ բողոքի ակցիայի մասնակիցների հետ: Ինչպես տեղեկացնում է «Արմենպրես»-ը, բողոքի ակցիան սկսվել էր դեռևս դեկտեմբերի 21-ին, երբ Մանվել Գրիգորյանը 25 միլիոն դրամ գրավի դիմաց  կալանքից ազատ էր արձակվել: Դեկտեմբերի 24-ին Դատախազությունը վերաքննիչ բողոք էր ներկայացրել Մանվել Գրիգորյանի խափանման միջոցի փոփոխության դեմ:

Հունվարի 10-ին Մանվել Գրիգորյանի կալանքից ազատման դեմ բողոքող ցուցարարներից մեկը թքել էր նրա պաշտպանի մեքենայի վրա և վիրավորական արտահայտություններ հնչեցրել նրա հասցեին:

 Հանդիպման ընթացքում ակցիայի կազմակերպիչներից մեկը` Ջիվան Աբրահամյանը Արսեն Մկրտչյանին վստահեցրեց, որ իրենք պաշտպանի դեմ որևէ խնդի չունեն և ոչ էլ դեմ են, որ Մանվել Գրիգորյանը պաշտպան ունենա:

«Վստահ եղեք, որ քաղաքացիների կողմից ձեր նկատմամբ որևէ մեկը որևէ գործողություն չի կատարի և դուք հանգիստ կարող եք ձեր պաշտպանական լիազորությունները կատարել: Միևնույն ժամանակ խնդրում ենք, որ փոխադարձ իրար հանդեպ այլևս որևէ արտահայտություններ չլինեն»,- ասաց Աբրահամյանը:

Արսեն Մկրտչյանը հետաքրքրվեց, թե արդյոք  փարատվել են այն կասկածները, որ ինքը ցուցարարներին վիրավորել է , ցուցարարը, ով թքել էր մեքենայի վրա և վիրավորական արտահայտություններ հնչեցրել,  ասաց, որ այդ պահին վրդովված է եղել, ինչու չէ՝ նաև սադրանքի է ենթարկվել,  ու նման քայլ է կատարել, ինչի համար զղջում է:

Արսեն Մկրտչյանը, որպես հաշտության նշան, առաջարկեց ակտիվիստի մեքենայով ուղևորվել դեպի Էջմիածնի իր գրասենյակ:

Ցուցարարները խոստացան նաև, որ այլևս ճանապարհները չեն փակելու ու գործելու են ՀՀ օրենքների շրջանակներում։




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ