Հունվարի 17-ին սպասվող իրադարձությունները
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Կհաստատվեն ռադիոակտիվ թափոնների և աշխատած միջուկային վառելիքի անվտանգ կառավարման ռազմավարության դրույթների իրականացումն ապահովող միջոցառումների ծրագիրն ու ժամանակացույցը: Հարցը ներառված է այսօր՝ հունվարի 17-ին, կայանալիք ՀՀ կառավարության նիստի օրակարգում:
Շարունակվում է Հայաստանի Հանրապետության նախագահ Արմեն Սարգսյանը պաշտոնական այցը Արաբական Միացյալ Էմիրություններ:
Հայաստանում արտահերթ խորհրդարանական ընտրությունների արդյունքներով ձևավորված 7-րդ գումարման խորհրդարանը կշարունակի աշխատանքը: Օրակարգում մշտական հանձնաժողովների նախագահների ընտրության հարցն է:
Սուր շնչառական հիվանդությունների հետ կապված իրավիճակը մասնագետների քննարկման առանցքում է: Լրագրողների հետ հանդիպմանը ՀՀ ԱՆ գլխավոր թոքաբան Անդրանիկ Ոսկանյանը կանդրադառնա խնդրին, ինչպես նաև ռիսկի խմբերի հետ կապված կանխարգելիչ միջոցառումներին:
Խորեոգրաֆիայի պետական թատրոնի նոր տնօրենի ընտրության վերաբերյալ խնդիրը հանգուցալուծում չի ստանում: Նախկին տնօրեն Գայանե Կարապետյանը և այլք, հրավիրված ասուլիսում կներկայացնեն իրենց տեսակետները: Նշենք, որ Գայանե Կարապետյանի պաշտոնավարման ժամկետը լրացել է դեկտեմբերի 28-ին և այն չի երկարացվել: ՀՀ մշակույթի նախարարի ժամանակավոր պաշտոնակատարի որոշմամբ նշանակվել է նոր տնօրեն, ինչին դեմ է նախկին ղեկավարը:
Այս և այլ թեմաների մասին կարող եք մանրամասն ընթերցել armenpress.am կայք էջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում