Հունվարի 15-ին սպասվող իրադարձությունները
ԵՐԵՎԱՆ, 15 ՀՈՒՆՎԱՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ հունվարի 15-ին, Հայաստանում արտահերթ խորհրդարանական ընտրությունների արդյունքներով ձևավորված 7-րդ գումարման խորհրդարանը կշարունակի իր աշխատանքները:
Հայաստանի Հանրապետության նախագահ Արմեն Սարգսյանը պաշտոնական այցով Արաբական Միացյալ Էմիրություններում է: Նախատեսված է Հայաստանի նախագահի հանդիպումները Արաբական Միացյալ Էմիրությունների բարձրագույն ղեկավարության հետ: Հայաստանի նախագահը Աբու Դաբիում կմասնակցի միջազգային խոշորագույն՝ «Աբու Դաբի կայունության շաբաթ» ֆորումին:
Այսօր կգումարվի Երևան քաղաքի ավագանու արտահերթ նիuտ:
Հրավիրված մամուլի ասուլիսում Երևան քաղաքում կանաչ տարածքների վերականգնման ծրագրի մանրամասներ կներկայացնեն Երևանի քաղաքապետարանի և բնապահպանության ոլորտի ներկայացուցիչները:
Լրագրողների հետ կհանդիպի արտակարգ և լիազոր դեսպան Արման Նավասարդյանը: Նա իր դիտարկումները կներկայացնի մերձավորարևելյան զարգացումների, Սիրիայից ԱՄՆ զորքերի դուրսբերման վերաբերյալ:
«Նարեկացի» արվեստի միությունում կկայանա արգենտինացի նշանավոր երգիծաբան Կինոյի «Մաֆալդան և ընկերները» կոմիքսների գրքի հայերեն թարգմանության շնորհանդեսը:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում