Դեկտեմբերի 21-ին սպասվող իրադարձությունները
ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ դեկտեմբերի 21-ին, Երեւանի քաղաքապետարանում կգումարվի Երևան քաղաքի ավագանու արտահերթ նիuտ:
«Արմենպրես» լրատվական գործակալությունում կմարվի և շրջանառության մեջ կդրվի մեկ նամականիշ՝ նվիրված «Հայաստանի հեռագրական գործակալության՝ Արմենպրեսի հիմնադրման 100-ամյակը» թեմային:
Երևանում կանցկացվի աշխատանքային քննարկում, որի առանցքում հաշմանդամություն ունեցող անձանց ընտրական իրավունքների ապահովումն է:
Երեխաների իրավունքների պաշտպանությանն ու Ընտանեկան օրենսգրքի բարեփոխումներին կանդրադառնան ՀՀ արդարադատության նախարարի տեղակալ Սուրեն Քրմոյանը և ՀՀ աշխատանքի և սոցիալական հարցերի նախարարի տեղակալ Արսեն Մանուկյանը:
ՀՀ ԱՆ Պրոբացիայի ծառայությունն ու «Աջակցություն պրոբացիային» ազգային ցանցը կստորագրեն փոխըմբռնման հուշագիր:
«Մտավոր թվաբանություն» ուսումնական կենտրոնում կանցկացվի բարեգործական միջոցառում, որի հասույթը փոխանցվելու է «Նվիրիր կյանք» հիմնադրամին:
Առնո Բաբաջանյանի անվան պետական ֆիլհարմոնիայի համերգասրահում կկայանա Աբգար Մուրադյանի անվան երիտասարդ կլարնետահարների հանրապետական 2-րդ մրցույթի գալա համերգն ու մրցանակաբաշխությունը։
Կարևոր իրադարձություն մարզական ոլորտում: Կամփոփվեն 2018 թվականի Հայաստանի Հանրապետության «Տարվա 10 լավագույն մարզիկներ» մրցույթի արդյունքները: Օրվա վերջում պարզ կդառնա, թե ովքեր են ընդգրկվել 10 լավագույն մարզիկների ցանկում:
Այս և այլ թեմաների մասին կարող եք մանրամասն ընթերցել armenpress.am կայք էջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում