ՌԴ-ն շահագրգռված է ՀԱՊԿ-ի անդամ երկրների միջև կապի և փոխհամաձայնության ամրապնդմամբ
ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանի Դաշնությունը շահագրգռված է Հավաքական անվտանգության պայմանագրի կազմակերպության անդամ երկրների միջև կապի և փոխհամաձայնության ամրապնդմամբ:
«Արմենպրես»-ի հաղորդմամբ` այս մասին լրագրողների հետ զրույցում ասաց ՀՀ-ում Ռուսաստանի Դաշնության արտակարգ և լիազոր դեսպան Սերգեյ Կոպիրկինը` մեկնաբանելով ՀԱՊԿ-ի շուրջ տեղի ունեցող իրադարձությունները և գլխավոր քարտուղարի հարցը:
«Ռուսաստանի Դաշնությունը շահագրգռված է ՀԱՊԿ-ի կապերի ամրապնդմամբ, փոխհամաձայնության ամրապնդմամբ և շահագրգռված է նրանով, որ այդ կազմակերպության համար արդիական այս հարցը լուծվի այնպես, որ կազմակերպության արդյունավետությունը ոչ թե թուլանա, այլ ամրապնդվի, այդ թվում` իրավական դաշտի բարելավման շնորհիվ, լրացնելով այն անորոշությունները, որոնք այս կամ այն հարցում կան»,- ասաց Կոպիրկինը:
Ինչ վերաբերում է ՀԱՊԿ-ի գլխավոր քարտուղարի պաշտոնի ընտրման խնդրին՝ դեսպանը նշեց, որ այդ հարցը լուծվում է անդամ երկրների ղեկավարների մակարդակով:
Բաժանորդագրվեք մեր ալիքին Telegram-ում