Աշտարակի խճուղում գտնվող գազալցակայանում գրանցվել է պայթյուն, մեկ մարդ հոսպիտալացվել է
ԵՐԵՎԱՆ, 13 ԴԵԿՏԵՄԲԵՐԻՆ, ԱՐՄԵՆՊՐԵՍ: Աշտարակի խճուղում գտնվող «Մեգնում» գազալցակայանում տեղի է ունեցել պայթյուն: Դեպքի վերաբերյալ «911» ծառայությունն ահազանգ է ստացել դեկտեմբերի 12-ին ժամը 20։59-ին և նշվել, որ կա տուժած, անհրաժեշտ է փրկարարների օգնությունը:
«Արմենպրես»-ի հաղորդմամբ, ՀՀ ԱԻՆ-ը տեղեկացնում է, որ դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ «Արմալի» ՍՊԸ–ին պատկանող «Մեգնում» գազի ճնշման կայանում տեղի է ունեցել պայթյուն, ինչի հետևանքով Գ. Հ.-ն (ծնված՝ 1953 թ.) ստացել է տարբեր բնույթի մարմնական վնասվածքներ:
Մինչ փրկարարների՝ կանչի վայր հասնելը Գ. Հ.-ն հոսպիտալացվել է «Արմենիա» ՀԲԿ, որտեղ բժիշկները տուժածի առողջական վիճակը գնահատել են միջին ծանրության:
Փրկարարները դադարեցրել են գազի արտահոսքը:
Բաժանորդագրվեք մեր ալիքին Telegram-ում