«Մուրացան» համալսարանական հիվանդանոցում բուժվող երեխաների համար համերգ են կազմակերպել
ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: Այսօր Միրզոյան քառյակի երաժիշտները համերգ են ունեցել «Մուրացան» համալսարանական հիվանդանոցում:
Ինչպես «Արմենպրես»-ին տեղեկացրին ԵՊԲՀ-ից, Միրզոյան քառյակի երաժիշտները միավորվել են ԵՊԲՀ ուսանողների, բժիշկների հետ և ապացուցել, որ տոն կարող է լինել նույնիսկ հիվանդանոցում, և դրա համար շատ բան հարկավոր չէ:
Համերգից հետո երաժիշտներն ուրախացրեցին հիվանդանոցում բուժվող երեխաներին՝ իրենց բերած նվերներով։ Երեխաների ուրախությամբ ոգևորված էր նաև «Մուրացան» համալսարանական հիվանդանոցի ողջ բժշկական անձնակազմը:
հիվանդանոցի անձնակազմը շնորհակալություն է հայտնում բոլոր այն մարդկանց, ովքեր տարեվերջյան բազմազբաղ առօրյայում գտնում են ժամանակ, այցելում են համալսարանական հիվանդանոց, և երեխաներին են փոխանցում իրենց դրական էներգիան:
Բաժանորդագրվեք մեր ալիքին Telegram-ում