Թեհրանը փորձում Է մեղմացնել ԱՄՆ-ի պատժամիջոցների բացասական ազդեցությունը. Իրանի փոխնախագահ
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Թեհրանը ձեռնամուխ Է ԱՄՆ-ի նավթային պատժամիջոցների բացասական ազդեցությանը հակազդելու ծրագրի իրականացմանը: Այդ մասին, ինչպես տեղեկացնում Է «Արմենպրես»-ը, նոյեմբերի 6-ին հայտարարել Է Իրանի փոխնախագահ Էսհակ Ջահանգիրին: Նա ընդգծել Է, որ «ճիշտ չԷր լինի պնդել, թե պատժամիջոցները ազդեցություն չեն ունենում երկրի վրա»:
«Մենք հնարավոր ամեն բան անում ենք, որպեսզի նվազեցնենք սահմանափակիչ միջոցների ազդեցությունը մեր տնտեսության վրա»,- Ջահանգիրիի խոսքը մեջբերում Է Tasnim գործակալությունը: Փոխնախագահը նշել Է, որ «ընթացիկ դժվարությունների հաղթահարումը հնարավոր Է միայն երկրի բնակչության հետ իշխանությունների փոխգործակցության դեպքում»: «Մենք նոր պատժամիջոցներին հակազդելու պլան ունենք»,- հավելել Է նա, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում