Հայաստանը Ֆրեյզերի համալսարանի տնտեսական ազատության վարկանիշային աղյուսակում 29-րդն է, Ադրբեջանը՝ 106-րդը
18:37, 28 Սեպտեմբեր 2018
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Կանադայի Ֆրեյզերի համալսարանը հրապարակել է երկրների տնտեսական ազատության վարկանիշային աղյուսակը, որում Ադրբեջանը զբաղեցրել է 106-րդ տեղը, իսկ Հայաստանը՝ 29-րդ:
«Արմենպրես»-ի հաղորդմամբ՝ համալսարանը 100-ից ավելի երկրների շրջանում տնտեսական ազատության վերաբերյալ ուսումնասիրություն է իրականացրել:
Վարկանիշային աղյուսակը կազմվել է երկրներում սեփականության իրավունքի, դատարանների անկախության, դրամավարկային քաղաքականության, արտաքին առևտրի ազատության, զբաղվածության մակարդակի, բիզնեսի և այլ ոլորտներում իրականացված ուսումնասիրությունների արդյունքում:
Աղյուսակում Թուրքիան զբաղեցրել է 86-րդ տեղը, Ռուսաստանը՝ 87-րդ, Իրանը՝ 130-րդ տեղը:
Բաժանորդագրվեք մեր ալիքին Telegram-ում