Գերմանիայի արտգործնախարարն անդրադարձել է Էրդողանի՝ Բեռլին կատարելիք այցին
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Գերմանիայի արտգործնախարար Հայկո Մաասն անդրադարձել է Թուրքիայի նախագահ Ռեջեփ Թայիփ Էրդողանի՝ Գերմանիա կատարվելիք այցին:
Այս մասին, ինչպես հաղորդում է «Արմենպրես»-ը, հայտնում է թուրքական Diken պարբերականը:
Մաասը նշել է, որ Էրդողանի հետ քննարկելու շատ բան կա:
«Մենք Էրդողանի հետ քննարկելու շատ բան ունենք»,-ասել է Գերմանիայի ԱԳՆ-ն:
Գերմանիայում «Քրդստանի աշխատավորական կուսակցության» (PKK) կողմնակից քրդերը, ինչպես նաև ծայրահեղ ձախակողմյան գերմանացիները բողոքի ակցիաներ են իրականացնում՝ դժգոհելով Էրդողանի Գերմանիա կատարելիք այցից: Գերմանիայի իրավապահները մտահոգություն են հայտնել վերոնշյալ ուժերի և Գերմանիայի թուրքական համայնքի ներկայացուցիչների միջև հնարավոր բախումների վերաբերյալ և իշխանություններին առաջարկել Էրդողանի այցի օրերին Բեռլինում արտակարգ ռեժիմ սահմանել:
Բաժանորդագրվեք մեր ալիքին Telegram-ում