Ռոբերտ Քոչարյանի գրասենյակը հայտարարություն է տարածել օգոստոսի 14-ին տեղի ունեցած միջադեպի վերաբերյալ
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Հայաստանի Հանրապետության երկրորդ նախագահ Ռոբերտ Քոչարյանը նոր ասուլիսի կամ հարցազրույցի միջոցով կներկայացնի իր տեսակետները քաղաքական ամենաարդիական հարցերի վերաբերյալ: Ինչպես հաղորդում է «Արմենպրես»-ը, ՀՀ երկրորդ Ռոբերտ Քոչարյանի գրասենյակը հայտարարություն է տարածել օգոստոսի 14-ին տեղի ունեցած միջադեպի վերաբերյալ, որի հետևանքով ՀՀ երկրորդ նախագահի ասուլիսը չկայացավ:
Հայտարարության մեջ նշվում է, որ օգոստոսի 14-ին նախատեսված մամուլի ասուլիսի ընթացքում ակնկալվում էր, որ պետք է արվեին կարևոր քաղաքական հայտարարություններ և տրվեին բազմաթիվ հարցերի պատասխաններ: ՀՀ երկրորդ նախագահի գրասենյակը որպես մանր խուլիգանություն է գնահատել օգոստոսի 14-ին տեղի ունեցած միջադեպը, որին մեծ ուշադրություն պետք չէ դարձնել:
Բաժանորդագրվեք մեր ալիքին Telegram-ում