Վարչապետը փաստում է՝ Հայաստանում առանց բավարար ապացույցների որևէ մեկը չի դատվելու
13:48, 20 Հուլիս 2018
ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը հայտարարեց, որ Հայաստանում առանց բավարար ապացույցների ոչ ոք չի դատվելու: «Արմենպրես»-ի փոխանցմամբ՝ լրագրողների հետ հանդիպմանը գործադիրի ղեկավարը նշեց, որ կառավարության խնդիրը ոչ թե մարդկանց դատելն ու բանտերը լցնելն է, այլ Հայաստանում օրինականության հաստատումը:
«Նույնիսկ եթե ՀՀ գործող վարչապետը նախկինում շատ կոնկրետ քաղաքական հայտարարություն է արել, որ այսինչ անձը հանցագործ է, դա քաղաքական հայտարարություն է: Եթե ուզում եք, որ հանցագործները դատվեն, պետք է համագործակցեք իրավապահ մարմիններին հետ»,- ասաց վարչապետ Նիկոլ Փաշինյանը:
Բաժանորդագրվեք մեր ալիքին Telegram-ում