Երևանում՝ 11:07,   14 Ապրիլ 2024

Ժոնաթան Լաքոտի կարծիքով՝ Ֆրանկոֆոնիայի գագաթնաժողովի մասնակիցները հիանալու են ՏՏ ոլորտում Հայաստանի գրանցած հաջողություններով

Ժոնաթան Լաքոտի կարծիքով՝ Ֆրանկոֆոնիայի գագաթնաժողովի մասնակիցները 
հիանալու են ՏՏ ոլորտում Հայաստանի գրանցած հաջողություններով

ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ: Հայաստանում Ֆրանսիայի դեսպան Ժոնաթան Լաքոտի կարծիքով՝  Ֆրանկոֆոնիայի գագաթնաժողովի ժամանակ մասնակիցներին կզարմացնեն այն փայլուն հաջողությունները, որ Հայաստանը գրանցել է տեղեկատվական տեխնոլոգիաների ոլորտում: «Արմենպրես»-ի հաղորդմամբ` Ֆրանսիայի դեսպանը նման տեսակետ հայտնեց լրագրողների հետ հանդիպմանը:

«Աշնանը Հայաստանում անցկացվելիք Ֆրանկոֆոնիայի գագաթնաժողովին այս երկիրը ֆրանկոֆոն երկրների մասնակիցներին կապշեցնի ՏՏ ոլորտում գրանցած հաջողություններով: Հայաստանի իշխանություններն առաջարկել նաև տնտեսական ֆորում անցկացնել գագաթնաժողովի շրջանակում: Ֆրանսիական իշխանությունները ողջունում են այդ առաջարկը:Կարծում եմ, որ այդ տնտեսական ֆորումի շնորհիվ կձևավորվի ներդրողների և գործարարների մի ամբողջ ցանց, որոնք կորդեգրեն ՏՏ ոլորտի առաջնահերթությունները»,-ասաց Լաքոտը:

Նրա կարծիքով՝ տնտեսական ֆորումը եզակի հնարավորություն կլինի նաև հայ գործարարների համար: Դրա միջոցով նրանք կկարողանան ավելի սերտորեն հաղորդակցվել և ճանաչել ֆրանկոֆոն երկրներին ու նրանց հնարավորությունները:

Լաքոտի խոսքով՝ սեպտեմբերին նախատեսվում է Փարիզում ֆրանսիական «Թումո»-ի բացում: Նա կարծում է, որ գագաթնաժողովից հետո բոլոր ֆրանկոֆոն երկրները պետք է ցանկություն հայտնեն իրենց երկրներում ևս «Թումո» ունենալու:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]