ՀՀ ոստիկանությունը հատուկ գործողություններ է իրականացրել ոչ թե «Էլիպս»-ում, այլ «Սեքյուրիթի դրիմ»-ում /լրացված/
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Ոստիկանության կազմակերպված հանցավորության դեմ պայքարի (6-րդ) գլխավոր վարչության մեծ թվով ծառայողները հատուկ գործողություններ իրականացնում «Էլիպս» անվտանգության համակարգերի ընկերությունում: Այս տեղեկությունը «Արմենպրես»-ի հետ զրույցում հաստատեց ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը:
«Այլ մանրամասներ կտրվեն մի փոքր ուշ», -ասաց Ահարոնյանը:
«Էլլիպս ՋիԷյ» ՍՊԸ-ն Հայաստանում անվտանգության համակարգերի ոլորտում գործող առաջին ձեռնարկությունն է: Այն ստեղծվել է 1989թ-ին՝ որպես նեղ մասնագիտական կազմակերպություն՝ անվտանգության տեխնիկական միջոցների նախագծման, արտադրության, ներմուծման, տեղադրման և սպասարկման ոլորտում։ Այս ընկերությունը Հայաստանում հայտնի է արագաչափեր և տեսախցիկներ տեղադրելու գործում:
Լրացում. 16:06-ին ոստիկանությունը հայտնեց, որ ՀՀ ոստիկանության կազմակերպված հանցավորության դեմ պայքարի գլխավոր վարչության ծառայողները հատուկ գործողություններ են իրականացնում «Սեքյուրիթի Դրիմ» ընկերության շենքում:
Բաժանորդագրվեք մեր ալիքին Telegram-ում