Երևանում՝ 11:07,   19 Մարտ 2024

Կոտայքի մարզպետն ընդունել է Գլենդելի քաղաքապետին

Կոտայքի մարզպետն ընդունել է Գլենդելի քաղաքապետին

ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Կոտայքի մարզպետ Ռոմանոս Պետրոսյանը հունիսի 19-ին ընդունել է Գլենդելի քաղաքապետ Զարեհ Սինանյանին:

Ինչպես «Արմենպրես»-ին տեղեկացրին ՀՀ Կոտայքի մարզպետարանից, սփյուռքահայ գործիչ Զարեհ Սինանյանը մեծ ոգևորությամբ է ընդունել Հայաստանում իրականացված թավշյա հեղափոխությունը: Նա նշել է, որ հեղափոխությունից հետո տարբեր սփյուռքահայ գործարարներ ցանկություն են հայտնել այցելել Հայաստան՝ տարատեսակ ծրագրերով:

Կոտայքի մարզպետի հետ զրույցի ժամանակ Զարեհ Սինանյանը հայտնել է, որ սեպտեմբերին նախատեսում է Կալիֆորնիա նահանգից մեծ պատվիրակության այց Հայաստանի Հանրապետություն: Պատվիրակության կազմում լինելու են սիլիկոնային հովտի առաջատար IT կազմակերպությունների ներկայացուցիչներ, ագրարային բիզնեսի ներկայացուցիչներ և խորհրդատուներ, նաև սփյուռքահայ գործարարներ: Համաձայնություն է ձեռք բերվել սեպտեմբերյան այցի ժամանակ Կալիֆորնիայի պատվիրակությանը ընդունել նաև Կոտայքի մարզում:

Ռոմանոս Պետրոսյանը նաև Գլենդելի քաղաքապետին է նվիրել Նիկոլ Փաշինյանի  «Երկրի հակառակ կողմը» գիրքը:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]