ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Չինաստանի իշխանությունները հրապարակել են 659 անուն ներմուծվող ամերիկյան ապրանքերի ցուցակը, որոնց համար կսահմանվեն 25 տոկոսի չափով պատասխան մաքսեր: Այս մասին, ինչպես տեղեկացնում Է «Արմենպրես»-ը, հայտնել Է «Սինհուա» գործակալությունը՝ վկայակոչելով ՉԺՀ-ի Պետխորհուրդը:

Նշվում Է, որ ԱՄՆ-ի 545 անուն արտադրանքի, այդ թվում՝ շուրջ 34 միլիարդ դոլար գումարի գյուղատնտեսական ապրանքների, փոխադրամիջոցների եւ ծովամթերքի սակագներն ուժի մեջ կմտնեն 2018 թվականի հուլիսի 6-ին: Էներգետիկայի, քիմիական արդյունաբերության եւ բժշկական սարքավորանքի համար մաքսերի սահմանման ժամկետը հայտնի կլինի ավելի ուշ:

Ավելի վաղ Սպիտակ տունը հայտարարել Է, որ Միացյալ Նահանգները մտադիր Է 25 տոկոսի չափով մաքսատուրքեր սահմանել Չինաստանից ներմուծվող՝ 50 միլիարդ դոլար գումարի ապրանքների համար: Սպասվում Է, որ դրանք կվերաբերեն այնպիսի ոլորտների, ինչպիսիք են օդատիեզերական արդյունաբերությունը, տեղեկատվական եւ հաղորդակցական տեխնոլոգիաները, ռոբոտատեխնիկան, արդյունաբերական սարքավորանքը, նոր նյութերը եւ ավտոմոբիլաշինությունը, հաղորդել Է ՏԱՍՍ-ը: