Պուտինն ստորագրեց հակապատժամիջոցների մասին օրենքը
ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ: ՌԴ-ի նախագահ Վլադիմիր Պուտինն ստորագրել Է հակապատժամիջոցների մասին օրենքը, համապատասխան փաստաթուղթը հունիսի 4-ին հրապարակվել Է իրավական տեղեկատվության պաշտոնական ռեսուրսում, տեղեկացնում Է «Արմենպրես»-ը:
Փաստաթղթի համաձայն՝ ՌԴ-ի նախագահը կարող Է արգելք դնել միջազգային համագործակցության վրա կամ դադարեցնել այն ոչ բարեկամական արտասահմանյան պետությունների, ինչպես նաեւ այն կազմակերպությունների հետ, որոնք «ուղղակիորեն կամ անուղղակիորեն» գտնվում են ոչ բարեկամական արտասահմանյան պետությունների իրավասության ներքո:
Օրենքի գործողությունը չի տարածվում կենսականորեն կարեւոր դեղորայքի վրա, որոնց նմանակները չեն արտադրվում ՌԴ-ում, ինչպես նաեւ այն ապրանքների վրա, որոնք քաղաքացիները ներկրում են անձնական օգտագործման համար:
Օրենքի համաձայն՝ հակապատժամիջոցների տակ կարող Է հայտնվել Ռուսաստանի ընկերություն՝ արտասահմանյան մասնակցության ցանկացած բաժնով, հաղորդել Է «Ինտերֆաքս» գործակալությունը:
Բաժանորդագրվեք մեր ալիքին Telegram-ում