Ժամանակը Երևանում՝ 11:07:36,   15 Հոկտեմբեր

Գերմանիան շարունակելու է աջակցությունը Հայաստանում ժողովրդավարական և տնտեսական բարեփոխումներին


ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Գերմանիայում ՀՀ դեսպան Աշոտ Սմբատյանը մայիսի 16-ին հանդիպել է ԳԴՀ կառավարության Արևելյան գործընկերության երկրների Ռուսաստանի և Կենտրոնական Ասիայի հարցերով համակարգող Դիրկ Վիզեի հետ:

Ինչպես «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից, հանդիպման ընթացքում կողմերը քննարկել են ՀՀ-ԵՄ Համապարփակ և ընդլայնված գործընկերության համաձայնագրի վավերացմանը, հայ-գերմանական երկկողմ հարաբերություններին` քաղաքական, մշակութային, գիտակրթական ոլորտներին, ինչպես նաև Հայաստանի ներքաղաքական վերջին զարգացումներին առնչվող հարցեր:

Զրուցակիցները կարևորել են Հայաստանում ժողովրդավարական և տնտեսական բարեփոխումների շարունակականության ապահովումը, ինչին հետամուտ կերպով իր աջակցությունը կշարունակի ցուցաբերել Գերմանիայի կառավարությունը:

Անդրադարձ է կատարվել նաև տարածաշրջանային զարգացումներին, Մերձավոր Արևելքում ընթացող գործընթացներին:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ