ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ: 114 տարեկան հասակում մահացել Է ԱՄՆ-ի ամենատարեց բնակչուհին՝ Դելֆին Գիբսոնը: Այդ մասին, ինչպես տեղեկացնում Է «Արմենպրես»-ը, հայտնել Է Փենսիլվանիայի նահանգապետ Թոմ Վոլֆը: 2004 թվականից երկրարակյաց կինն ապրում Էր Փենսիլվանիայի Հանթինգդոն քաղաքի զառամյալների խնամքի կենտրոնում:

«Ես խորապես վշտացած եմ Դելֆին Գիբսոնի՝ ԱՄՆ-ի բոլոր քաղաքացիներից ամենատարեցի մահվան լուրից: Նա ավելի քան 90 տարի ապրել Է Փենսիլվանիայում: Մեզ համար մեծ Է նրա կորուստը»,- գրել Է նահանգապետը Twitter-ում:

Գիբսոնը, որը ծնվել Է 1903 թվականի օգոստոսի 17-ին, Ամերիկայի ամենածեր մարդն Է դարձել 2017 թվականի փետրվարին Ադելա Դանլափի մահվան պահից: Այժմ, երկարակյացների հաստատված ցուցակի համաձայն, որը կազմել են հետազոտող-ծերաբանները, ԱՄՆ-ի ամենատարեց բնակչի կոչումն անցել Է 113-ամյա Լեսի Բրաունին, հաղորդել Է ՌԻԱ Նովոստին: